IMG_7068

Վարդանանց Դիւցազնամարտի եւ Հայոց Պատմութեան Նուիրուած Օր՝ Ազգային Ֆերահեան Վարժարանէն Ներս

«Այս տարի Ապրիլ 24ը, արձակուրդի օր չէ, այլ՝ ազգային պահանջատիրութեան օր է: Այդ օր բոլոր աշակերտները եւ ուսուցիչները առաւօտեան ժամը 8ին դպրոց պիտի գան, որմէ ետք՝ բոլորս անխտիր պիտի մասնակցինք Հայոց Ցեղասպանութեան 100ամեակի Արդարութեան Քայլարշաւին: Ոեւէմէկ բացակայութիւն ներելի պիտի չի ըլլայ այդ օր»:

Այս էր հրամայականը Վարդանանց Դիւցազնամարտի տօնախմբութեան, որ տեղի ունեցաւ Չորեքշաբթի, Փետրուար 11ին, Ֆերահեանի «Աւետիսեան» սրահին մէջ,  ուր միջնակարգի եւ երկրորդականի դասարանի աշակերտները, կարգապահօրէն հաւաքուած էին տօնախմբելու Վարդանանց դիւցազնամարտի հերոսներու յիշատակը եւ անգամ մը եւս հաղորդուելու անոնց պատգամով եւ յաւերժացած խորհուրդով:

Միջնակարգի եւ երկրորդականի աշակերտները պատրաստած էին կոկիկ յայտագիր մը, որ կը բաղկանար երգերէ եւ արտասանութիւններէ:

Յայտագիրը սկսաւ 12րդ դասարանէն Էնթընի Աւագեանի բացման խօսքով: Խօսելով պատմութենէն,  ան նշեց որ, Փետրուար ամիսը իր մէջ կ’ընդգրկէ Վարդանանց պատերազմի, Փետրուարեան ապստամբութեան եւ Արցախի հերոսամարտի թուականները,  որոնք կարեւորագոյն անկիւնադարձերը  հանդիսացան մեր պատմութեան, որովհետեւ, բոլորի պարագային ալ, հայ ժողովուրդը ունեցած էր մէկ նպատակ, անկախութիւն եւ ազատութիւն: Իսկ նոյն խօսքը Անգլերէն լեզուով, փոխանցեց, կրկին 12րդ դասարանէն՝ Վան Տէր Մկրտիչեանը:

IMG_7048 IMG_7113 IMG_7080 IMG_7079 IMG_7073

 

 

 

 

 

 

Ապա յաջորդաբար գործադրուեցաւ գեղարուեստական յայտագիր: 6րդ կարգի աշակերտները ներկայացուցին «Մենք Քաջ Վարդանի Տոհմէն Ենք» երգախառն պատկերը, որմէ ետք, կրկին 6րդ դասարանէն Նարօտ Արիսեանը մեներգեց՝ «Լեռներ Հայրենի»ն: 7րդ կարգէն Նանօր Սերայտարեան եւ Մարք Քէօսեան Արտասանեցին «Վարդանանց»ը: Ապա յաջորդաբար՝ 8րդ կարգէն Անի Քէօշկէրեան արտասանեց «Քաջն Վարդան Մամիկոնեան»ը, իսկ Սեւուլիկ Պասթիլեանը «Վարդանի Ճառը»: 9րդ կարգի աշակերտներ՝ Ալեքսա Միքայէլեան, Սարօ Քերսոյեան եւ Արմանտ Մնացականեան, արտասանեցին «Սպարապետ Մամիկոնեան»ը: Խմբերգ՝ «Աղբերս ու Ես» կատարողութեամբ 10րդ դասարանի աշակերտներուն, որմէ ետք, կրկին Արտասանութիւն, «Մեզ մի Խառնէք», կատարողութեամբ՝ 11րդ դասարանէն Արմէն Ամինի եւ Դալար Մինասեանի: Գեղարուեստական վերջին բաժինով՝ հանդէս եկան աւարտական դասարանի աշակերտները, «Մենք ենք մեր Սարերը» հայկական ոգեւորիչ պարով:

IMG_7097 IMG_7085 IMG_7087 IMG_7092 IMG_7058

 

 

 

 

 

 

Հանդիսութեան աւարտին ելոյթ ունեցաւ «Ֆերահեան»ի տնօրէն Ժան Գոսագեան: Հակառակ անոր որ մենք հերոսներ շատ ունեցած ենք, տնօրէնը իւրաքանչիւր աշակերտ եւ իւրաքանչիւր ուսուցիչ հերոս համարեց: Ան՝ իր խօսքին մէջ ըսաւ. «Ազգային Ֆերահեան Վարժարանը հերոսներ կը պատրաստէ, որովհետեւ ամէն օր որ դուք կը պարտաճանաչ կը սորվիք, ուսումը ձեզի պիտի ծառայէ մեծ դիրքեր հասնելու, որպէսզի ապագային դուք ծառայէք հայ ժողովուրդին»: Շարունակելով իր խօսքը, աւեցուց. «կեանքի մէջ բախտաւորութիւն է կողքիդ ունենալ ընկերներ որոնք դպրոցի մէջ փոքր տարիքէն սկսած եւ շարունակուած է նոյնիսկ շրաջանաւարտ ըլլալէ ետք, ազգային Ֆերահեան վարժարանը այդ է որ կը սորվեցնէ աշակերտներուն, ընտանիքներով միասին յաւիտեան մնալ հաւատարիմ ընկերներ եւ միասին ալ ծառայել հայ գաղութին»: Իր խօսքի աւարտին, ան ըսաւ որ, «հերոսութիւնը յաղթանակի կամ պարտութեան մէջ չէ, այլ նպատակները իրականացնելու մէջ է, հերոսութիւնը միայն Աւարայր, Արցախ եւ կամ ապստամբութեան մէջ չէ, այլ՝  Լոս Անճելըսի մէջ, օտարներուն մէջ, հայերէն սորվիլ եւ հայութիւնը պահպանելն է»:

IMG_7081 IMG_7050 IMG_7055 IMG_7063 IMG_7068

 

 

 

 

 

 

IMG_7066 IMG_7065 IMG_7070 IMG_7062 IMG_7071

 

 

 

 

 

 

Վարժարանի տնօրէնի խրախուսիչ խօսքերը, մեծ ոգեւորութիւն ստեղծեցին աշակերտութեան մօտ որոնք բարձրաձայն ծափահարութիւններով աւարտեցին օրուայ տոնախմբութիւնը:

Յիշեցնենք որ սրահի չորս կողմերը զարդարուած էր, աշակերտութեան կողմէ պատրաստուած պաստառներ, որոնք կը ներկայացնէին հայոց պատմութեան զանազան ժամանակաշրջաններ եւ հերոսներ:

IMG_7112 IMG_7109 IMG_7108 IMG_7107

 

 

 

 

 

 

IMG_7105IMG_7106IMG_7100IMG_7104