Վարդանանց Դիւցազնամարտի Տօնակատարութիւն Ազգային «Ֆերահեան» Վարժարանէն Ներս
Չորեքշաբթի, Փետրուար 03ին, «Ֆերահեան»ի միջնակարգի եւ երկրորդականի դասարաններէն աշակերտներ, ինչպէս նաեւ ծնողներ, հաւաքուաԱւետիսեան» սրահին մէջ՝ տօնախմբելու եւ անգամ մը եւս բարձր պահելու Վարդանանց դիւցազնամարտի խորհուրդը:
Բացման խօսքը կատարեցին 12րդ կարգէն Ալիք Գեղինեան (հայերէն) եւ Ալինա Միրզայեան (անգլերէն), որ հակիրճ ձեւով ներկայացուց 451 թուականին, հաւատքով եւ վճռակամութեամբ մղուած հայութեան բուռն այս ճակատամարտի պատմականը: Ապա գործադրուեցաւ գեղարուեստական յայտագիր մը: 8րդ կարգի աշակերտները ասմունքեցին Վահան Թէքէեանի «Խորհուրդ Վարդանանց»ը, «Մեր Հայրենեաց» խմբերգ կատարեցին 7րդ դասարանի աշակերտները, մինչ Վարդանի Ճառը կարդաց Սեւուլիկ Պասթիլեան 9րդ կարգէն: Արամ Խաչատրեանի «Վալս»ը ջութակը վրայ նուագեց Նանոր Սէրայտարեանը 8րդ կարգէն, «Զինուորի մօր երգը» խմբերգ 9րդ կարգ իսկ «Արազի Ափին» երգը կատարեցին 11րդ կարգի աշակերտները:
Օրուայ դասախօսն էր՝ Պօղոս Վրդ. Թինգճեանը: Ան, իր կարգին հաստատեց թէ Վարդանանց Պատերազմի խորհուրդը կարեւորագոյններէն է որ մինչեւ այսօր երաշխիք կը հանդիսանայ հայրենասիրական մեր ոգիի արտացոլման: Ամբողջական նուիրումի մասին խօսեցաւ վարժարանի տնօրէն Ժան Գոսագեան: Ան յայտնեց որ Վարդանանց պատերազմի մէջ ամբողջական նուիրումով զոհաբերութեան հարցը գոյութիւն ունի եւ հակառակ 1500 տարիէներ անցած են այդ օրուընէ, սակայն մենք զոհաբերումի եւ նուիրումի գաղափարը տակաւին կը շարունակենք: Եւ որովհետեւ այսօր եւս հայ ժողովուրդը նուիրումի կարիքը ունի, նամանաւանդ Սուրիահայութեան համար, ապա վարժարանի տնօրէնը բեմ հրաւիրեց Սուրիահայ Օժանդակութեան Մարմնի անդամներէն՝ Վազգէն Մատենլեանը որպէսզի հակիրճ տեղեկութիւններ տայ սուրիահայութեան դժուարութիւններուն եւ մարմնի կազմակերպած գալիք թելեթոնին մասին: Ան, իր կարգին խօսելէ ետք սուրիահայութեան դիմագրաւած դժուարութիւններուն մասին, խնդրեց որ ամէն մէկ աշակերտ աւելի եւս աշխատանք տանի որպէսզի կարելի դառնայ Ազգային Ֆերահեան Վարժարանը մեծ գումարով մասնակից դառնայ թելեթոնին:
ծ էին դպրոցի «

 

IMG_1652 IMG_1655 IMG_1656 IMG_1657 IMG_1658 IMG_1660 IMG_1662 IMG_1663 IMG_1666 IMG_1667 IMG_1669 IMG_1672 IMG_1673 IMG_1677 IMG_1678 IMG_1679 IMG_1685 IMG_1691 IMG_1693 IMG_1694 IMG_1695 IMG_1696 IMG_1699 IMG_1654IMG_1651