IMG_0942

Երկուշաբթի, Մարտ 24ին, Հայաստանի յայտնի եւ նշանաւոր երգչուհի՝ Ալլա Լեւոնեանը, այցելելով Ազգային Ֆերահեան Վարժարան, հանդիպում մը ունեցաւ վարժարանի աշակերտութեան հետ:
Հանդիպումը տեղի ունեցաւ ուրախ եւ մտերմիկ մթնոլորտի մէջ: Երգչուհին՝ իր Ամերիկայ գտնուելու պատճառներուն մասին քիչ մը տեղեկութիւններ տալէ ետք, առիթ տուաւ աշակերտներուն որ իրենց հարցումները ուղղեն, եւ ապա իրեն ուղղուած բոլոր հարցումներուն ալ՝ համբերութեամբ եւ հոգատարութեամբ պատասխանեց:
Հանդիպումը վերջ գտաւ Ալլա Լեւոնեանի կատարողութեամբ՝ «Կիլիկիա» երգով, որու նաեւ մասնակցեցան վարժարանի բոլոր աշակերտները:
Յիշեցնենք՝ որ Ալլա Լեւոնեան Ամերիկայ կը գտնուի Հայ Օգնութեան Միութեան Ամերիկայի Միացեալ Նահանգներու Արեւմտեան Շրջանի հրաւէրով, եւ ելոյթ պիտի ունենայ Շաբաթ, Մարտ 29ին, ժամը 7:00էն սկսեալ, United Community Church-ի մէջ (333 E. Colorado St., Glendale, CA 91205).

 

 

 

Alla Levonyan IMG_0939

 

IMG_0935 IMG_0933