IMG_6872

Հանդիպում ՀԵԴ-ի Ամառնային Ճամբարի Ներկայացուցիչին Հետ

«Եթէ կ’ուզէք ծառայել Հայրենիքին եւ ազգին, ապա երբ մեծնաք, միացէք Հայ Երիտասարդաց Դաշնակցութեան»:

Վարժարանի փոխ տնօրէն՝ Վարդգէս Նալպանտեան, այս խօսքերով, Ուրբաթ՝ Յունուար 30-ին, բացումը կատարեց Հայ Երիտասարդաց Դաշնակցութեան ամառնային ճամբարի ներկայացուցիչ՝ Գօգօ Ապունայեանի հետ հանդիպման հաւաքին:

Հանդիպման նպատակն էր, ծանօթացնել աշակերտութեան ՀԵԴ-ի կազմակերպած ամառնային ճամբարին եւ անոր ծրագիրներուն:

ՀԵԴ ամառնային ճամբարի առաքելութիւնը, ինչպէս որ ներկայացուցիչը ըսաւ. «սփիւռքի, նամանաւանդ Ամերիկայի մէջ բնակող հայ սերունդը մօտիկ պահելու հայոց պատմութեան եւ մշակոյթի հետ, որպէսզի չի ենթարկուի ճերմակ ջարդին»:

Մօտաւոր մէկ ժամ տեւողութեան, վարժարանի աշակերտները առիթ ունեցան լսելու ճամբառի պատմականին մասին եւ ներկայացուցիչին ձեռք բերած փորձառութիւններու մասին եւ ապա սահիկի միջոցաւ դիտելու Ճամբարի ծրագիրները:

Եղան հարցումներ: Իսկ հանդիպման աւարտին, օրուայ ներկայացուցիչը քաջալերեց բոլորին, որպէսզի արձանագրուելով, իրենք ալ փորձառութիւններ ձեռք բերեն սոյն ճամբարէն:

Յիշեցնենք որ Գօգօ Ապունայեան, շրջանաւարտ է նաեւ Ազգային Ֆերահեան Վարժարանէն:

 

IMG_6882 IMG_6877 IMG_6875 IMG_6874 IMG_6873 IMG_6871 IMG_6883 IMG_6884 IMG_6888 IMG_6889 IMG_6897 IMG_6898 IMG_6872