IMG_4984

Ազգային Ֆերահեան Վարժարան կ’այցելէ, Բերիոյ Թեմի Առաջնորդ՝ Գերաշնորհ Տէր Շահան Սրբազան Արք.Սարգիսեան

 

Ամերիկայի Միացեալ Նահանգներ ժամանած, Բերիոյ Թեմի Առաջնորդ՝ Գերաշնորհ Տէր Շահան Սրբազան Արք.Սարգիսեան, Չորեքշաբթի, Հոկտեմբեր 15, 2015ի առաւօտեան, այցելելով Ազգային Ֆերահեան Վարժարան, մտերմիկ հանդիպում մը ունեցաւ վարժարանի Տնօրէնութեան, ուսուցչական կազմին եւ աշակերտութեան հետ:

Առաջնորդ սրբազանին կ’ընկերակցէր, Միացեալ Նահանգներու Հայց. առաքելական եկեղեցւոյ Արեւմտեան Թեմի Առաջնորդ՝ Տէր Մուշեղ Արք. Մարտիրոսեան, Սրբոց Նահատակաց Եկեղեցւոյ հոգեւոր հովիւ՝ Տէր Ռազմիկ Քհնյ. Խաչատուրեան, ինչպէս նաեւ՝ Ազգային քաղաքական ժողովի, հոգաբարձութեանց, Հ.Յ.Դ. Մարմիններու եւ քոյր մասնաճիւղերու ներկայացուցիչնր:

Սրահի մուտքին, Առաջնորդ Սրբազան հայրերուն «Աստուած Օգնական» ողջոյններով դիմաւորեցին, 6րդ դասարանի աշակերտները եւ մէկ առ մէկ իրենց աջը համբուրելով, ուղղուեցան դէպի իրենց աթոռները:

Բացման խօսքով հանդէս եկաւ, վարժարանի Հայերէնի ուսուցչուհի, Թալին Գէորգ: Ան՝ վարժարանի անունով բարի գալուստ մաղթելէ ետք, հակիրճ ձեւով ներկայացուց Առաջնորդ Սրբազանին կենսագրականն ու անոր այցելութեան նպատակները, եւ աւելցնելով ըսաւ թէ՝ վարժարանը այս տարի ձեռնարկած է նոր դրամահաւաք մը, որուն նպատակն է օժանդակել Սուրիոյ հայ աշակերտութեան եւ դպրոցներուն: Որմէ ետք՝ ի պատիւ Առաջնորդ Սրբազանին,  գեղարուեստական յայտագիր մը տեղի ունեցաւ, որուն մասնակցեցան, 7րդ կարգէն Նանոր Սէրայտարեան ջութակով «Կռունկ», 10րդ կարգէն Նարեկ Գույումճեան Սեւան Հանէշեան-Պետրոսեանի «Ես Զաւակն Եմ Քու Հողիդ» քերթուածի ասմունքով, 6րդ կարգի աշակերտները՝ «Յաղթանակ» պարով եւ ապա կրկին 6րդ կարգէն՝ Արազ Պալեան, Լորի Կարավարդանեան, Բալիկ Քէշիշեան եւ Երանիկ Պասթիլեան՝ Համաստեղի «Հայու Ոգին» ասմունքով:

Ապա յաջորդաբար խօսք առին, Վարժարանի Տնօրէն՝ Ժան Գոսագեան, Միացեալ Նահանգներու Հայց. առաքելական եկեղեցւոյ Արեւմտեան Թեմի Առաջնորդ՝ Տէր Մուշեղ Արք. Մարտիրոսեան, որ առաջնորդարանին կողմէ, յուշանուէր մը փոխանցեց վարժարաննի, եւ ապա՝ Բերիոյ Թեմի Առաջնորդ՝ Գերաշնորհ Տէր Շահան Սրբազան Արք.Սարգիսեան, որ ողջունելէ ետք ներկաներուն, բարձր գնահատեց հայկական դաստիարակութիւնը եւ աւելցուց ըսելով թէ՝ վարժարանը շատ կարեւոր դեր ունի այդ դաստիարակութիւնը շարունակելու եւ զօրացնելու դժուարին գործին մէջ: Ան՝ տխրութեամբ խօսեցաւ Հալէպի ներկայ հայկական դպրոցներու իրավիճակին մասին եւ ուղղելով խօսքը աշակերտներուն, ան ըսաւ որ անոնք բարձր գնահատէն իրենց ունեցած առաւելութիւնները եւ խնդրեց աշակերտներէն, որ, իրենց ունեցած այդ առաւելութիւններէն մէկ հատը գոնէ պահելով, օգնութեան ձեռք մեկնէն Սուրիոյ քաղաքական պատերազմի մէջ մնացած իրենց քոյրերուն եւ եղբայրներուն:

Այցելութիւնը վերջ գտաւՍրբազան Հայրերու միացեալ աղօթքով եւ օրհնութիւններով:

 

IMG_4899 IMG_4902 IMG_4901 IMG_4905

 

 

 

 

 

 

 

 

IMG_4911 IMG_4916 IMG_4917 IMG_4915

 

 

 

 

 

 

 

 

IMG_4918 IMG_4923

 

 

 

 

 

 

 

 

IMG_4922 IMG_4978

 

 

 

 

 

 

 

 

IMG_4924IMG_4960IMG_4935IMG_4938IMG_4956

 

 

 

 

 

 

 

IMG_4949IMG_4939IMG_4948IMG_4933IMG_4929

 

 

 

 

 

 

 

 

 

 

 

 

 

 

 

 

IMG_4926IMG_4927

 

 

 

 

 

 

 
IMG_4976  IMG_4982 IMG_4983 IMG_4987 IMG_4989  IMG_4973 IMG_4971 IMG_4969 IMG_4968 IMG_4967 IMG_4965 IMG_4963 IMG_4962  IMG_4927         IMG_4957